ERIELL Groupning Toshkentdagi bosh ofisida Kompaniyalar guruhi vakillari o’ta chuqur quduqlarni burg’ulashning texnika va savdo  jihatlarini gaplashib olish uchun Xitoyning CNPC XIBU Drilling kompaniyasi delegatsiyasi bilan uchrashdi. Ikki kompaniya o’rtasida strategik sheriklik doirasida tashkil etilgan uchrashuv o’zaro hurmat va hamkorlik muhitida o’tdi.

Muhohamada asosiy e’tibor samaradorlikni oshirish va harajatlarni kamaytirishga yo’naltirilgan burg’ulash sohasidagi yangi texnologiyalar va innovatsiyalarga qaratildi. Ikkala kompaniya ham katta chuqurliklarda burg’ulashni amalga oshirish uchun ilg’or usul va uskunalardan foydalanishdan manfaatdor ekanligini bildirdi.

Chuqur suv ostida olib boriladigan burg’ulash sohasida boy tajribaga ega bo’lgan CNPC XIBU Drilling kompaniyasi o’ta  chuqur quduqlar bilan ishlashda qo’llanilishi mumkin bo’lgan bir qator asosiy texnologiyalar va strategiyalarni ajratib ko’rsatdi. O’z navbatida, ERIELL Group  burg’ulash jarayonini optimallashtirish va ishlarning xavfsizligini oshirishga yo’naltirilgan ishlanma va muhandislik yechimlarini taqdim etdi.

Ikkala tomon ham iqtisodiyotning ushbu strategik jihatdan muhim bo’lgan sohasida hamkorlikni davom ettirish va tajriba almashishga tayyor ekanliklarini bildirdi. Ular energiya tarqatuvchilarga nisbatan o’sib borayotgan talabni qondirish va sohaning barqaror rivojlanishini ta’minlashga imkon beruvchi yangi yechimlarni ishlab chiqishda sa’y-harakatlarni birlashtirish muhimligini ta’kidladi.

Mazkur uchrashuv ERIELL Guruhi va CNPC XIBU Drilling o’rtasida hamkorlikni kengaytirish, shuningdek, o’ta chuqur quduqlarni burg’ulash sohasida hamkorlik munosabatlarini mustahkamlash yo’lida muhim qadam bo’ldi. Ikkala kompaniya ham sanoatni rivojlantirishda yetakchi hisoblanib, samaradorlik va barqaror rivojlanishning umumiy maqsadlariga erishish uchun ilg’or texnologiyalarni joriy etishga intiladi.